香港新浪網 MySinaBlog
« 上一篇 | 下一篇 »
不敗的魔術師 | 17-Nov-10, 22:48 | 見聞感受, 詩詞歌賦, 社會時事 | (324 Reads)

有人話而家香港人的負面情緒是「仇富」(指那些不義而富且貴的富人),亦有人伸延為「仇商」(指那些壟斷香港經濟以致影響民生的大財團),引來不少討論,如苦瓜兄提出港人其實係「仇奸商」,而兵姐就話只要我地精明過「福佳精明眼」的話,根本就唔會有俾人「賺到盡」的機會。

先說說自己的看法。魔術師唔識得李+x,亦唔識+x系公司的任何高層人員,所有意見均是由觀察得來,歡迎討論指正。

首先,+x系的公司,無論是地產、電訊、超市、藥房等,服務和貨物的售價並不便宜,但質素卻並不見得有幾好(部份如地產及電訊服務甚至可以用個「差」字來形容),品牌形象亦不突出;若換作是一般企業,在公平的營商環境之下,如此的「性價比」很難有競爭力可言,但偏偏+x系卻做到了,還做愈大,咁係咪官商勾結,明益+x系呀?李+x身為皇上,當然就成為眾矢之的。

然後,就來到+x本人。佢係「傑出華人」,句「不義而富且貴,於我如浮雲」又成日俾人quote。佢個人是否言行一致,外人無法得知;不過就算當佢係,咁佢啲仔呢?佢啲手下員工呢?佢嘅企業文化呢?如果個企業文化係掛住去鑽空子,無所不用其極地「賺到盡」的話,阿+x一個人視富貴如浮雲又有何用?做皇帝的無論幾咁清高,朝廷腐敗.執行唔到主子的理念的話,是否要捉皇帝來問責?再退一步,如果話「富貴如浮雲」係佢個人的取向啫,唔係企業的方向;哦,而家唔係話唔俾你賺,而係唔好賺得咁「乞人憎」(例如「屋苑+超市+藥房+電訊」的綑綁銷售)啫,作為主子,不能以自己的價值觀去影響員工不特止,企業文化都搞唔掂,咁應該叫「傑出人士」,抑或是「昏君」呢?

所謂「能力愈大,責任愈大」,+x作為「傑出華人」,做唔到「良心企業家」呢個role model,自然會搞到香港人「仇富」、「仇商」,但問題不止於此。其實最大的問題是,香港的傳媒廣泛染香港一眾富人的「高質」生活。窮人沒有能力,自然不會將「富人」當成role model,追求他們的生活;但對中產來說卻不然。香港的中產普遍受過教育,雖然未有能力過富人生活,但將其打個折扣,將就一下,卻也是伸手可及。如果連「富貴如浮雲」的+x系都是「賺到盡」的話,那麼想要再「向上流」的中產又有甚麼理由唔去跟呢?

於是,我們就會看到某某區賣地成績理想,該區二手業主馬上就「反價」和「封盤」了,反應比地產商還要快呢!香港小業主是不是都是要「賺到盡」?他們是不是將自己層樓當成是一盤「生意」來看?

再賤精啲諗,「賺到盡」可以令你有錢,可以叫港女做其生仔機器,下下中出唔使避咁爽;但係一般市民呢?連溝件港女都覺困難,莫講話叫佢生仔。你話無機會「賺到盡」的小市民,係咪會怨氣沖天呢?

所以,與其話商人富人唔啱,魔術師會覺得佢地係絕少數人囉,我地會思考會選擇可以唔俾佢地賺,亦唔需要理佢地點生活;而家搞到香港民怨咁重,主因其實係以歪理茶毒人心為本的傳媒,同埋話咁易就俾人洗腦的中剷educated fools。

***

***

伸延閱讀:

我為什麼不討厭李嘉誠

誰說香港人仇富?

2010/11/17 22:47:41 

 

 


[2]

生果店個老細, 隻ad Ma 當年被精明眼和歡迎擊敗, 冇想過ad Ma 個business model 跟本吾惦, 只係覺得係被地產佬屈機死! 從此就響自已個地盤不斷大罵D富商/地產佬 (especially +X). 一部份的仇富情緒由此而嚟.


[引用] | 作者 HHH | 18-Nov-10 21:58 | [舉報垃圾留言]


係喎,我都唔記得速遞呢單嘢添!

「冇想過個business model 跟本吾惦, 只係覺得係被地產佬屈機死!」

唔怪得中剷同新一代都鐘意諉過他人,洗腦效果果然勁過「發條橙」。

[引用版主回覆] | 作者 不敗的魔術師 | 18-Nov-10 22:11

[1]

"主因其實係以歪理荼毒人心為本的傳媒,同埋話咁易就俾人洗腦的中剷educated fools"

請勿將市民仇奸商的情緒推卸給傳媒, 香港的傳媒大致可分為兩類, 一類維護大小(奸)商, 一類敢於揭發奸商無良行徑. 前者的數目及財勢較後者大. 此外, 前者似乎不大可能令市民產生仇奸商情緒, 後者揭發奸商劣行, 發揮傳媒監察功能, 豈會荼毒人心?

至於指傳媒可以輕易將中產洗腦, 此與事實似乎有所出入. 中產較一般人見多識廣, 智力水平較高, 給人洗腦的可能性應較低才是. 當然, 個別中產的確是人頭豬腦, 智力比不上普通人, 例如不少高官.


[引用] | 作者 Histo | 18-Nov-10 16:47 | [舉報垃圾留言]


傳媒的確有監察過社會上不正當的事情, 但係佢地亦有份煽動普通市民, 從鼓吹消費到以艷羨角度報導富人生活,又是否故意想引起社會上的紅眼症現象呢?

至於中剷, 理論上的確是應該「見多識廣, 智力水平較高」,但觀乎身邊的朋友同學同事和「傳媒的報導」,「見多識廣, 智力水平較高」呢句話,相當存疑.

「中慘世界」個TAG也有不少關於香港中剷的評論。

[引用版主回覆] | 作者 不敗的魔術師 | 18-Nov-10 21:18